30 yanvar 2022-ci il tarixdə  Goranboy rayon Mərkəzi Kitabxananın içiləri Vətən müharibəsi şəhidlərinin anım günü ilə əlaqədar “Şəhidlər  ölməzdirlər” adlı videokonfrans keçirdilər.

  Xidmət şöbəsinin müdiri Səidə Abdullayeva tədbiri açdı.

  Xalqımızın azadlığı ,bütövlüyü uğrunda canlarını  qurban vermiş  şəhid  qardaş və bacılarımızın əziz xatirəsi bir dəqiqəlik sükutla yad edildi.

  Abonement bölmə müdiri Gülnar Nəcəfova  44 gün davam edən  Vətən müharibəsi haqqında tədbir iştirakçılarına məlumat verdi, şəhid Yusif Yusifov haqqında danışdı.

   2 saylı  Yeniyol kənd kitabxana filialının işçisi Məhsəti  Qasımova    II Qarabağ savaşında canlarını  doğma Azərbaycanımızın  azadlığı uğrunda  fəda etmiş igid oğulların şücaətindən,mərdliklərindən danışdı.

  Baş metodist Xatirə Rəhimova  şəhid  Ceyhun Mustafazadənin, baş biblioqraf Nəzakət Talıbova  şəhid  Rüfət Əsgərovun, Veyisli kənd kitabxana filialının böyük  Sənəm Böyükkişiyeva isə şəhid   Sehun   İbrahimzadənin həyatı və döyüş yolları barədə  məlumat verdilər.

  1 saylı Yeniyol  kənd kitabxana filialının işçisi Zeynəb Tağıyeva  “Şəhid anası” şeirini səsləndirdi.